സ്വലാത്ത് ചൊല്ലി വായന തുടങ്ങാം✍🏼👇🏼
തിരു ചാരത്തേക്ക് മൂന്ന് സ്വലാത്ത്🌹🌹
صَلَّى اللَّهُ عَلٰى مُحَمَّدْ صَلَّى اللَّهُ عَلَيهِ وَسَلَّمْ
صَلَّى اللَّهُ عَلٰى مُحَمَّدْ صَلَّى اللَّهُ عَلَيهِ وَسَلَّمْ
صَلَّى اللَّهُ عَلٰى مُحَمَّدْ صَلَّى اللَّهُ عَلَيهِ وَسَلَّم اللّٰهُمَّ صَلِّ عَلٰى مُحَمَّدْ يٰا رَبِّ صَلِّ عَلَيهِ وَ سَلم
🌹🌹🌹🌹🌹🌹🌹🌹🌹🌹🌹
ഒരു പ്രസംഗത്തിൽ അലി (റ) ഇങ്ങനെയൊക്കെയാണ് സംസാരിച്ചത് ...
അലി (റ) കുട്ടിപ്രായത്തിൽ ഇസ്ലാമിൽ വന്നതാണ്. കുട്ടിക്കാലത്ത് തന്നെ ഇസ്ലാമിനുവേണ്ടി നന്നായി കഷ്ടപ്പെട്ടു. വളരുംതോറും ജോലിഭാരം കൂടിക്കൂടിവന്നു.
വിശ്രമം എന്തെന്നറിയാത്ത ജീവിതം. സത്യത്തിനു വേണ്ടിയുള്ള കഠിനാദ്ധ്വാനം. അവസാന ദിവസംവരെ അങ്ങനെത്തന്നെയായിരുന്നു ജീവിതം...
എല്ലാം ദീനിനുവേണ്ടി, പരലോകത്തിനുവേണ്ടി... ഹജ്ജത്തുൽ വിദാഇൽ നടന്ന ഒരു സംഭവം പറയാം... നബി (സ)തങ്ങളും വമ്പിച്ച സ്വഹാബി സംഘവും ഹജ്ജിന് വേണ്ടി മക്കത്തേക്ക് പുറപ്പെട്ടു.
ആ സന്ദർഭത്തിൽ അലി (റ) യമനിലായിരുന്നു. അലി (റ) ഒരു സംഘം മുസ്ലിം യോദ്ധാക്കളുമായി മക്കയിലേക്ക് പുറപ്പെട്ടു. നബി (സ)തങ്ങളോടൊപ്പം ചേരണം. ഹജ്ജ് നിർവഹിക്കണം. ധൃതിയിൽ യാത്രയായി ...
മക്കയുടെ അതിർത്തിയിലെത്തി. സൈന്യത്തെ അവിടെ നിർത്തി ഒരു നായകനെ നിയോഗിച്ചു ...
അലി (റ)നബി (സ)തങ്ങളെ കാണാൻ മക്കയിലേക്ക് പ്രവേശിച്ചു. യമനിൽ നിന്ന് ലഭിച്ച വിലകൂടിയ വസ്ത്രങ്ങൾ സൈന്യത്തിന്റെ കൈവശമുണ്ടായിരുന്നു. മക്കയിൽ പ്രവേശിക്കുമ്പോൾ അവ ധരിക്കാമെന്ന് സൈനികർ കരുതി. എല്ലാവരും പുതിയ വേഷം ധരിച്ചു ആവേശഭരിതരായി നിന്നു ...
അലി (റ)തിരിച്ചെത്തി. ആർഭാഢവേഷം കണ്ട് ക്ഷോഭിച്ചു. എന്താണിത്... ? അലി (റ) ഉച്ചത്തിൽ ചോദിച്ചു ...
മക്കയിൽ പ്രവേശിക്കുമ്പോൾ നല്ല വേഷം ധരിക്കാമെന്ന് കരുതി സൈന്യാധിപൻ പറഞ്ഞു. എല്ലാവരും ആർഭാഢ വേഷം അഴിച്ചുമാറ്റൂ... ആർഭാഢം നമുക്കു പറഞ്ഞതല്ല.
പലർക്കും ദുഃഖം തോന്നി. എന്നാലും എല്ലാവരും വേഷം മാറി ...
നബി (സ)തങ്ങളോട് ചിലർ ഇതിനെപ്പറ്റി പരാതി പറഞ്ഞു. നബി (സ)തങ്ങൾ പറഞ്ഞ മറുപടി ചരിത്രത്തിൽ രേഖപ്പെട്ടുകിടക്കുന്നു. അതിങ്ങനെയാകുന്നു:
ജനങ്ങളേ അലിയെപ്പറ്റി നിങ്ങൾ പരാതി പറയരുത്. പരാതിക്ക് അതീതമായ രീതിയിൽ അല്ലാഹുവിന്റെ മാർഗത്തിൽ കഷ്ടപ്പാട് സഹിച്ചവനാണ് അലി ...
ഹിജ്റ നടന്ന കാലം. ഓരോ മുഹാജിറിനെയും ഓരോ അൻസ്വാരി സഹോദരനായി സ്വീകരിച്ചു തന്റെ വീട്ടിലേക്ക് കൊണ്ടുപോയി.
അലി (റ)വിനെ നബി (സ)ആർക്കും നൽകിയില്ല. നബി (സ)അലി (റ)വിനെ കെട്ടിപ്പിടിച്ചുകൊണ്ട് പ്രഖ്യാപിച്ചു. അലി എന്റെ സഹോദരനാണ്. അലി (റ)വിന്റെ സവിശേഷമായ വ്യക്തിത്വം വ്യക്തമാക്കുന്ന നിരവധി സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്... ഉഹ്ദ് യുദ്ധ ഭൂമിയിലെ ഒരു രംഗം കാണുക ...
(തുടരും)
No comments:
Post a Comment