🌹 നമ്മുടെ നബി മുഹമ്മദ്* *മുസ്തഫ ﷺ💚* *💧Part : 130💧*

 

*🔖 വിശ്വാസികളുടെ മാതാക്കൾ (7)*

   *✪ ശത്രുനേതാവിന്റെ മകൾ*

   അബൂസുഫ്യാനെ അറിയാമല്ലോ.., മക്കാവിജയംവരെ ഇസ്ലാമിന്റെ വലിയ ശത്രു. അബൂസുഫ്യാന്റെ മകളാണു റംല (റ)...

 ചരിത്രത്തിൽ അവർ ഉമ്മു ഹബീബ എന്നറിയപ്പെടുന്നു. ഉമ്മുഹബീബയുടെ മനസ്സിൽ ഈമാന്റെ പ്രകാശം. അവർ ഇസ്ലാം മതം സ്വീകരിച്ചു. അബൂസുഫിയാൻ സഹിക്കുമോ..? 

 കഠിന മർദനം തുടങ്ങി. ഉമ്മുഹബീബയും ഭർത്താവും ഇസ്ലാം മതം സ്വീകരിച്ച വിവരം ഖുറൈശികളെ കോപാകുലരാക്കി. മക്കയിൽ താമസം ദുസ്സഹമായി. അബ്സീനിയായിലേക്കു പലായനം ചെയ്തു. അവിടെ വെച്ച് ഒരു പെൺകുട്ടിയെ പ്രസവിച്ചു. ശാന്തമായ ജീവിതം... 

 പെട്ടെന്നാണതു കലങ്ങി മറിഞ്ഞത്. ഒരു ദിവസം ഭർത്താവ് പറഞ്ഞു : “ഞാൻ ക്രിസ്തുമതം സ്വീകരിക്കുകയാണ് നിനക്കും അങ്ങനെ ചെയ്യാം...”

 “ഇല്ല... എന്തുവന്നാലും ഞാൻ ഇസ്ലാം മതത്തിൽ ഉറച്ചു നിൽക്കും.” ഉമ്മുഹബീബ (റ) യുടെ ദൃഢപ്രതിജ്ഞ. 

 ഭർത്താവ് കൈവിട്ടു. വിദേശത്താണു താമസം. അയാൾ അബ്സീനിയൻ തെരുവിൽ ദുർമരണം ഏറ്റുവാങ്ങി... പിന്നത്തെ കഷ്ടപ്പാടുകൾ പറഞ്ഞാൽ തീരില്ല. വേദന നിറഞ്ഞ പരീക്ഷണങ്ങൾ. 

 ഉമ്മുഹബീബ (റ)യുടെ കരളലിയിപ്പിക്കുന്ന കഥ നബി ﷺ അറിഞ്ഞു. സഹായ ഹസ്തം നീട്ടി. ഉമ്മുഹബീബ (റ)യെ നബി ﷺ വിവാഹം ചെയ്തു. ത്യാഗത്തിന്റെ പ്രതീകമായിരുന്നു അവർ. ഹിജ്റ 44വരെ ജീവിച്ചു...

 ഉമ്മുഹബീബ (റ)യുടെ സഹോദരനാണ് മുആവിയ (റ). അദ്ദേഹത്തിന്റെ ഭരണകാലത്തു നിര്യാതയായി.

*തുടരും ... ഇന്‍ ശാ അല്ലാഹ് ...💫*

         *☝🏼അല്ലാഹു അഅ്ലം☝🏼*

                       

*നമുക്ക് നമ്മുടെ ഹബീബിന്റെ ﷺ ചാരത്തേക്ക്‌ ഒരു സ്വലാത്ത് ചൊല്ലാം ...*

 *💚اللَّهُمَّ صَلِّ عَلَى سَيِّدِنَا مُحَمَّدٍ*

*وَعَلَى آلِ سَيِّدِنَا مُحَمَّدٍ*

*وَبَارِكْ وَسَلِّمْ عَلَيْه💚*