💉🌡⚔ രക്തം ചിന്തിയ പൂന്തോട്ടം 💉🌡⚔ Part 7

മലീഹ അതുകേട്ട് ഒരലർച്ചയോടെ ബോധരഹിതയായി വീണു!

എന്താണ് അറബികൾ മലീഹയോട് പറഞ്ഞ ആ സത്യം!

ഇത്രയും കാലം മലീഹ അറിയാതിരുന്ന ആ സത്യം അറിയണമെങ്കിൽ മസൂദ് അവളെ വിട്ട് പോയ ദിജിലാതീരത്തുതന്നെ നമുക്ക് മടങ്ങിയെത്താം.

അതെ... അന്ന് ആ കച്ചവട സംഗത്തിനൊപ്പം ആടിപ്പാടി മസൂദും ഭാഗ്ദാദിലേക്ക് അവരുടെ നിർഭംദ്ധത്തിന് വഴങ്ങി ഒപ്പംകൂടി.



ഭാഗ്ദാദിൽ ഒരു സ്ഥലമുണ്ട്.
ഷാത്തേ അറബ് എന്ന അറബികൾ പറയുന്ന ഒരു സ്ഥലം!
ആ സ്ഥലത്തിന്റെ പ്രത്യേകത എന്തെന്നുവെച്ചാൽ രണ്ടു് നദികൾ ഒഴുകി വന്നുചേരുന്ന അഴിമുകമാണ്!

ഒരു ഭാഗത്തുനിന്ന് ദിജിലയും മറുഭാഗത്തുനിന്നു ഫുറാത്തും ഒരുമിച്ചു ചേരുന്ന സ്ഥലം അറബികൾ പേരിട്ടു വിളിച്ചിരുന്നത് ശാത്തേ അറബ് എന്നാണു.

ആ സംഗമ നദിയിലെത്തിയപ്പോൾ മസൂദ് പറഞ്ഞു എന്തു ഭംഗിയാണ് ഈ പുഴ കാണാൻ
നമുക്കൊന്ന് ഇറങ്ങി കുളിച്ചാലോ?

അപ്പോൾ സുഹൃത്തുക്കൾ പറഞ്ഞു ദേ... മസൂദേ...
രണ്ട് നദികൾ കൂടിചേർന്ന് ഒന്നിച്ചൊഴുകുന്ന സ്ഥലമാ ശാത്തെഅറബ്.
ഇവിടെ ഇറങ്ങിയാലെ ചുഴിയുണ്ടാകും.
 പിന്നെ തിരിച്ചിങ്ട്ടു കേറലുണ്ടാവില്ല മസൂദേ.

അപ്പോൾ മസൂദ് പറഞ്ഞു
എടാ നിങ്ങൾക്കൊക്കെ മരണത്തെ പേടിയാണെടാ. ഒരു കാര്യം ചെയ്യാം.
ഞാൻ ആദ്യം ഇറങ്ങാം.
എനിക്കൊന്നും പറ്റിയില്ലെങ്കിൽ നിങ്ങളിറങ്ങൊ
എന്ന് ചോദിച്ച് മസൂദ് അവരുടെ വാക്കുകൾ ചെവികൊള്ളാതെ ശാത്തെഅറബിൽ ഇറങ്ങി.

മസൂദ് നീന്തികുളിച്ചിട്ടു പറഞ്ഞു ടാ... നിങ്ങൾ പറയുന്നപോലെ ഇവിടെ ഒരു പ്രശ്നവുമില്ലട്ടോ.
എടാ ഇറങ്ങി വാടാ.

പക്ഷെ അവരെല്ലാം പേടിച്ചു ഇറങ്ങാതെ നിന്നു.

പക്ഷെ മസൂദ് നീൻതി തിമർത്താടി വീണ്ടുംവീണ്ടും എല്ലാവരെയും വിളിച്ചുകൊണ്ടേയിരുന്നു.

അപ്പോൾ ചിലർക്ക് ഇറങ്ങാൻ തിടുക്കമായി.

അവർ ഇറങ്ങാൻ ഒരുങ്ങുമ്പോൾ

 അസാധ്യമായ ഒരു വല്ലാത്ത ചുഴിയിൽ മസൂദ് കുടുങ്ങി.

ആ ചുഴി അവനെ വട്ടം കറക്കി താഴേക്ക് കൊണ്ടുപോയി.
പിന്നെ പെട്ടെന്ന് പൊങ്ങിയപ്പോൾ അവൻ അലമുറയിട്ടു
ഏയ്... എന്നെ പിടിക്കെടാ..

പിന്നെവനെ കാണുന്നില്ല.
പിനീട് കുറച്ചുകൂടെ അപ്പുറത്തു പൊങ്ങി
വീണ്ടും അവൻ നിലവിളിച്ചു.
ഏയ്... എന്നെ...പി....

പിന്നെയും മുങ്ങി...

പക്ഷെ ജീവനിൽ കൊതിയുള്ള അവന്റെ സുഹൃത്തുക്കൾ അവനെ രക്ഷിക്കാനിറങ്ങിയില്ല.

പിന്നെ താഴ്ന്നുപോയ മസൂദ് പൊങ്ങിയില്ല.
കാത്തിരുന്നിട്ട അവസാനം വിവരം യമാമയിലറിയിച്ചു.

ദിവസങ്ങൾക്കുള്ളിൽ മുസൈലിമതുസമാമ പരിവാരങ്ങൾ സമേതം ഇറാഖിലെ ശാത്തെഅറബിന്റെ മണ്ണിലേക്ക് വന്നു.

ആ സംഗമനദിയുടെ പൂമുഖത്ത് സ്വന്തം മകന്റെ ജഡം തേടിനടന്നു.
പക്ഷെ കിട്ടിയില്ല.

ദിവസങ്ങൾക്കൊടുവിൽ ദിജിലാനദിയുടെ മറ്റൊരു തീരത്ത് മരിച്ചു ശവമായ് പൊങ്ങിയപ്പോൾ മസൂദിന്റെ ജീർണ്ണിച്ച ജഡവുമായി മുസൈലിമ യമാമായിലേക്ക്  യാത്ര തിരിച്ചപ്പോൾ
ഈ സമയം ഇതൊന്നുമറിയാതെ ഉമാറയിൽ ആ പാവം പെണ്ണ് തന്റെ പ്രിയതമനേയും കാത്തിരിക്കുകയായിരുന്നു.

അതെ ആ കാട്ടറബികൾ മലീഹയോട് ചോദിച്ചു
നിന്റെ ഭർത്താവിന് സംഭവിച്ച ദുര്നദ്ധങ്ങൾ വല്ലതും നീ അറിഞ്ഞിരുന്നോ?
(തുടരും)