💉🌡⚔രക്തം ചിന്തിയ പൂന്തോട്ടം 💉🌡⚔ Part 31

എന്റെ പ്രിയപ്പെട്ട അനുജത്തി മുസൈലിമയുടെ വീട്ടിലോ!
ഹാരിസേ എന്ന വിളികേട്ട് തിരിഞ്ഞുനോക്കിയപ്പോൾ
തന്റെ പെങ്ങൾ ഫാർഹനാസിനെ കണ്ട് ഹാരിസ് (റ) അത്ഭുതപ്പെട്ടു

ഹാരിസ് (റ): നീ എന്താടീ ഇവിടെ?
 കള്ളപ്രവാചകൻ മുസൈലിമയുടെ വീട്ടിൽ നിനക്കെന്താ കാര്യം?
നീ എങ്ങനെ ഇവിടെവന്നു?

ഫർഹനാസ്: അതൊരു വലിയ കഥയാ.
പിന്നെ പറയാം.
നീ പോയി യുദ്ധം ചെയ്.

ഹാരിസ്(റ): എന്റുപ്പാന്റെ മുതുകത്ത് വളർന്ന എന്റെ പെങ്ങൾ മുസൈലിമയുടെ കൊട്ടാരത്തിൽ വന്നതെന്തിനാണെന്നറിയാതെ ഞാനെങ്ങനെ യുദ്ധം ചെയ്യാനാണ്.
എന്റെ സഹോദരി മുസൈലിമയുടെ പക്ഷത്താണെങ്കിൽ ആദ്യം യുദ്ധം നിന്നോടാണ്.
നിന്റെ തല ഞാൻ വെട്ടിയെടുക്കും.
പറയെടീ നീ എങ്ങിനെ ഇവിടെയെത്തി.

ആദർശത്തിന്റെ മുന്നിൽ രക്തബന്ധതമില്ല.
സത്യം പറഞ്ഞില്ലെങ്കിൽ ഹാരിസ് തന്നെ കൊല്ലുമെന്ന് മനസിലായപ്പോൾ ഫർഹനാസ് പറഞ്ഞു നീയൊന്നു ക്ഷമിക്കൂ.
ഞാനെല്ലാം പറയാം.

അങ്ങനെ ഒരുഭാഗത്ത് യുദ്ധംനടക്കുംബോൾ ഫർഹനാസ് സഹോദരനോട് നടന്ന സംഭവങ്ങളെല്ലാം വിവരിച്ചു.

ഫർഹനാസ്: വാരിക്കുഴി കുഴിക്കുന്നത് നിങ്ങൾ എങ്ങനെയാ അറിഞ്ഞതെന്നറിയോ!
ആരാണ് വന്നറിയിച്ചെതെന്നറിയോ?

ദാ... ഇവളാണ്. ഇവിടത്തെ വേലക്കാരി റമീഹ!  അതെ! ഇവൾ ആണിന്റെ വേഷംകെട്ടി വന്നതാ.
ഈ കൊട്ടാരത്തിനു പുറത്ത് ഭക്ഷണമില്ലാതെ നിങ്ങളെല്ലാവരും പട്ടിണികിടന്നപ്പോൾ
നിങ്ങളടുത്തേക്ക ഭക്ഷണവുമായിവന്ന ഒരു ചെറുപ്പക്കാരനില്ലെ? അതും ഇവൾ തന്നെയാ!

ഇവിടത്തെ പട്ടാളക്കാർക്കുവേണ്ടി ഉണ്ടടാക്കിയ ഭക്ഷണം ഓടുവഴിയിലൂടെ ഇവൾ നിങ്ങൾക്ക് എത്തിച്ചുതന്നതാ!

ഇതൊക്കെ കേട്ടപ്പോൾ ഹാരിസ് (റ) അല്ലാഹുവിനെ സ്തുതിച്ചു. നിങ്ങൾ ഏതായാലും മുസൈലിമയുടെ പക്ഷത്തല്ലല്ലോ. അൽഹംദുലില്ല.
മുസൈലിമ എവിടെ?
ഇവിടെയെങ്ങും കാണുന്നില്ലല്ലോ.

ഫർഹനാസ്: മുസൈലിമയെ നിങ്ങൾ നേരം പുലരുവോളം തിരഞ്ഞാലും കാണില്ല.
എവിടെയാണെന്ന് എനിക്കറിയാം. എന്റെ കൂടെവാ ഞാൻ കാണിച്ചുതരാം.

ഹാരിസ് (റ)ഹും കൂടെയുള്ള സ്വഹാബിയും ഫർഹനാസിന്റെ കൂടെ മുസൈലിമയുടെ ഒളിത്താവളം ലക്ഷ്യംവെച്ചു നടന്നു.....
(തുടരും)