💉🌡⚔രക്തം ചിന്തിയ പൂന്തോട്ടം 💉🌡⚔ Part 27

ആ ചെറുപ്പക്കാരൻ പറഞ്ഞു ഞാൻ കേട്ടതും പഠിച്ചതും മുസ്ലിംകൾ പരസ്‌പരം സഹോദരങ്ങളാണ്. അവനവന്റെ വിഷപ്പിനെക്കാൾ മറ്റുള്ളവരുടെ വിശപ്പിനു പ്രാധാന്യം കൊടുക്കുമെന്നാണ്.
പക്ഷെ കണ്ടതോ...

മറ്റുള്ളവർക്ക് കൊടുക്കുന്നതിനു മുമ്പ് തന്നെ നിങ്ങൾ നിങ്ങളുടെ വിഷപ്പടക്കാൻവേണ്ടി വാരിതിന്നല്ലേ.

അപ്പോൾ ആ സ്വഹാബി പറഞ്ഞു നീ കേട്ടതൊക്കെ ശരിതന്നെ.
ഞാൻ ഒരുപ്രാവശ്യമല്ലേ ഈ ഭക്ഷണം വാരിതിന്നത്.
അതെന്താണെന്നറിയോ?
നീ ആരാണ്. എവിടുന്നു വരുന്നു എന്നൊന്നും എനിക്കറിയില്ല.
ഇസ്ളാമിക സൈന്യത്തെ ഇല്ലാതാക്കാൻ നീ ഈ ഭക്ഷണത്തിൽ വിഷം കലർത്തിയിട്ടുണ്ടെങ്കിലോ!
ഞാനീ ഭക്ഷണം വിളംബി കൊടുത്താൽ ഇവരെല്ലാവരും എന്നെ വിശ്വസിച്ചു ഇത് കഴിക്കും.
നീ കൊണ്ടുവന്ന ഭക്ഷണത്തിൽ വിഷം വല്ലതും കലർത്തിയിട്ടുണ്ടെങ്കിൽ എന്റെ പ്രിയപ്പെട്ട സഹോദരൻമാർ മരിച്ചുവീഴും.
അത് പാടില്ല.
ഈ ഭക്ഷണം ഞാൻ ആദ്യം കഴിച്ചാൽ വിഷമുടെങ്കിൽ ആദ്യം ഞാൻ മരിക്കും.
അപ്പോൾ എന്റെ സഹോദരങ്ങൾ ഇത് തിന്നില്ലല്ലോ. അവർ ബാക്കിയാവില്ലേ. അതിനുവേണ്ടിയാണ് ഞാൻ ആത്യം കഴിച്ചത്.

ഇത് കേട്ടപ്പോൾ ആ ചെറുപക്കാരൻ  നിങ്ങൾതന്നെയാണ് ഉത്തമസമുദായം വേണെങ്കിൽ ഈ രണ്ട് ഒട്ടകത്തിനെയും അറുത്തു ഭക്‌ഷിച്ചോളൂ എന്ന് പറഞ്ഞു ഇരുട്ടത്തെക്കു നടന്നുമറഞ്ഞു.

വന്നത് ആരാണെന്നു ഈ സ്വഹാബിക്ക് പിടികിട്ടിയതുമില്ല.
ഈ ഭക്ഷണം ഏല്ലാ സ്വഹാബികൾക്കും കൊടുത്തു. എല്ലാവരും രുചികരമായ ആ ഭക്ഷണം കഴിച്ചു.
അവസാനം നേതാവായ ഖാലിദ് (റ) ന്റെ ടെന്റിലേക്ക് ഭക്ഷണവുമായി ആ സ്വഹാബി പോയി.
ഈ സമയം ബറാഹ്ബിനുമാലിക് (റ), ഹിശാം (റ), ഖാലിദ് (റ) ഇവർ മൂന്നുപേരും ടെൻ്ററിൽ വലിയ ചർച്ചയിലാണ്.
ഖാലിദ് (റ) ഭക്ഷണവുമായി വന്ന സ്വഹാബിയോട് ചോദിച്ചു എവിടുന്നു കിട്ടി ഈ ഭക്ഷണം?

സ്വഹാബി: ഒരാൾ കൊണ്ടുതന്നതാ.

ഖാലിദ് (റ): ആര്?

സ്വഹാബി: അറിയില്ല! ഒരു നല്ല വേഷവിധാനമുള്ള നല്ല വസ്‌ത്രമൊക്കെ ധരിച്ച് ഒരാൾ അല്ലാഹു തന്നതാണെന്നു കരുതി ഭക്ഷിച്ചോളൂ എന്ന് പറഞ്ഞു ഇരുട്ടത്തേക്കു നടന്നുനീങ്ങി.

അവർ മൂന്നുപേരു. ഭക്ഷണം കഴിച്ചു.
അപ്പോൾ ബറാഹ്ഇബ്നുമാലിക് പറഞ്ഞു ഖാലിദെ കണ്ടില്ലേ.
അല്ലാഹുവിന്റെ ഖുദ്‌റത്തുകൊണ്ടു ആരോ കൊനടുതന്ന ഭക്ഷണമാണ് നമ്മളിപ്പോൾ കഴിച്ചത്.
നാളെ വീണ്ടും പട്ടിണിയാ.
അതുകൊണ്ട് നാളെ എങ്ങനെയെങ്കിലും യുദ്ധം തീർക്കണം.

ഖാലിദ് (റ): യുദ്ധം തീർക്കണമെന്ന ഉദ്ധേശം എനിക്കുമുണ്ട് പക്ഷെ എങ്ങനെ.
(തുടരും)